روحي وروحك

راسي وراسك مرفوعة * والله ما تهون
ارضي الحرّة المزروعة * شهدا وزيتون
أنّة شعبا المسموعة * في كلّ الكون
لو نادتنا موجوعة * تفديها الروح
روحي وروحك يا روحي روحين بروح
ان راحت روحك يا روحي روحي بتروح

كفّي بكفك بنكفكف * دمع فلسطين
ونرفع اسما وترفرف * راية تشرين
ما عاد الموت يخوّف * نحنا من سنين
القبر المحفور بْنحلف * يبقى مفتوح
روحي وروحك يا روحي روحين بروح
ان راحت روحك يا روحي روحي بتروح

ايدي بايدك يا مْقاوم * نرجع عالدار
نرمي المحتلّ الغاشم * بحجار ونار
ثوّار وربي العالم * ما بننسى التار
يا ظالم يومك قادم * ترحل وتروح
روحي وروحك يا روحي روحين بروح
ان راحت روحك يا روحي روحي بتروح